News

06/07/2019

A l’occasion de la Foire Agricole d’Ettelbrück Oiko-Bakhaus a remis un chèque de 5000€ à L’Institut fir Biologësch Landwirtschaft an Agrarkultur Lëtzebuerg (IBLA). Cet argent provient de la vente du pain “Biodiversitéitsbrout” dans les magasins bio.

14/05/2019

Säfteg an erfrëschend op engem Frangipane-Buedem, bedeckt vun engem Eeër-Flan, sinn d’Aprikosen gesond a lecker agepaakt, prett fir genoss ze ginn.
Eis Aprikosen-Täertchen

28/05/2019

Fir Mammendag hunn mir zwee speziell Kuchen zur Auswiel.

Mousse Pralinée:
Cremegen Schockela mat enger knusperescher Fëllung.

Faisier vegan:
Fluffeg an fruuchteg, e liichte, säftege Kuch

Op Bestellung an allen NATURATA-Geschäfter.

17/05/2019

Eis vegan Baba huet sech mat der Äerdbier ugefrënnt a soumat der Saison ugepasst.
Vum Julie realiséiert, besteet se aus engem Saverin am Sirop gezappt, enger Crème Mousseline a säftegen Äerdbieren 🍓😍💛

An allen Naturata-Geschäfter ze kréien.

07/05/2019

Frësch, säfteg, erfrëschend, handgemaacht, bio.
Eis Äerdbier Täertchen ass nees do.

08/04/2019

Aus Weessmiel, Eeër, Zocker a Vanill besëtzt et ee liicht séisse Geschmaach op engem fluffegen a säftegen Deeg.

En Ouschterbrot ass et net, mä awer perfekt fir tëschenduerch.

04/04/2019

Gugelhupf, Napf- oder Topfkuchen, Bundkuchen, Rodonkuchen,…
Fir dës Traditioun aus Éisträich an dem Elsass benotze mir de Numm Kougelhopf a bréngen se op Lëtzebuerg.
Op Basis vun Dinkelmiel a Sauerdeeg ginn se an enger traditioneller Tounform vum Julie an eisem Atelier kreéiert.

Geschwënn an allen Naturata-Geschäfter ze fannen.

03/04/2019

Ursprénglech aus Russland, verfeinert vun de Fransousen, gëtt et fir Ouschteren eng Baba vun eis.
Am Sirop gezappt (ouni Alkohol), mat Ananas an Kokosschlagsahn gi se an eisem Atelier vum Julie hiergestallt.

100% Vegan, 100% Qualitéit.

Op Virbestellung an allen Naturata-Geschäfter ze kréien.

02/04/2019

Wéi wier et mat engem Ouschternascht?

Bottercrème Vanill oder Mokka op Basis vun engem Weessmielbiscuit, bidde mir Iech een Ouschternascht mat engem selwer gemaachten Schokelas Ee

01/04/2019

Dinkelmiel, Eeër a Botter maachen ee Ronn, sou och eis Huesen. Glécklech kucken dinn se mat engem Aan aus Schockela.

05/02/2019

Dinkel-Berliner mat Spackeltergebeess (Hagebutte-Marmelade) oder Quetschen sinn am Ëmlaf a weien eis nei Fettgebäckmaschinn an.

04/02/2019

Frësch aus dem Uewen kommen eis Dinkel-Bretzel direkt an d’Geschäft. Liicht an schmackhaft, perfekt fir d’Faaschtenzäit.

31/01/2019

E gréngen Daumen? An dat an der Bakstuff? Sou wonnerbar ewéi d’Léift, ass eist vegan Matcha-Härz mat Adzukispürree an enger zarter Mandelcrème. Ze bestellen an all den NATURATA Geschäfter.

30/01/2019

Ab dësem Joer kënnt Dir d’Fueszäit mat eisen Verwurelter verséissen. Mat Weessmiel a brongen Zocker, eng Traditioun an eiser Regioun.

16/01/2019

Mierfdeeg (Mürbeteig), Zitrounecrème an italienesch Meringuen (Baiser): ergëtt eis Tartelette meringuée au citron 💛🍋 Hiergestallt an eisem Atelier vum Julie. Zur Zäit am NATURATA-Geschäft zu Mënsbech ze kréien an op Bestellung.

10/01/2019

Fir eis Cake-Frënn ass ab elo eise Carrot Cake an de Geschäfter vum NATURATA ze fannen.
Mat Walnëss, Kokosnëss a selbstverständlech Muerten, ginn se an eisem Atelier vum Julie hiergestallt.


27/12/2018

Vanille oder Mokka, mat engem knusperechen Biskuit, kritt Dir eis Kalenner fir ee schéinen Ofschloss vum Joer 2018.

03/12/2018

Dës Saison hunn mir eng nei Bûchette am Sortiment mat engem Mandel-Biscuit, knusperechen praliné, Bieren, an Schoklas-Mousse.
Dës Mëschung ergëtt eng zauberhaft vegan Bûchette.

08/11/2018

Eis Boxemännercher sinn am Ëmlaf. Mat Dinkelmiel oder Weessmiel a Roséngen. Donierft ginn et wéi all Joer nach Stollen, Liefkuch a Bûchetten.

26/09/2018

Neie Produit ab dem 1. Oktober.
Eng Täertchen mat Biren an Liefkuchgewürz.
Ganz duuss am Geschmaach, eng berouegend Oofwiesslung.

06/07/2018

Den neien Uewe steet well op senger Plaz a setzt deen aktuelle ferm an de Schied.
Esou wäerte mir mat enger Bakfläch vun 12m² op 30m² eropklammen.

Le nouveau four a été livré.
Il a une surface de cuisson de 18m² et vient compléter le four existant, ce qui donne à l’avenir une surface de cuisson remarquable de 30m².

02/06/2018

Eis Aprikosen Täertchen ass nees am Ëmlaf.
Säfteg an erfrëschend op engem Frangipane-Buedem, bedeckt vun engem Eeër-Flan, sinn d’Aprikosen gesond a lecker agepaak, prett fir genoss ze ginn.

20/04/2018

An ausgewielten Naturata-Geschäfter (Mënsbech, Belval, Rollingergrund, Marnach a Meyers-Haff) fann dir eis neiste vegan-Kreatiounen.

Zitroun-Cheesecake, Energy Brownie oder e Muffin aus Gromperen (Süsskartoffel).
Dës Produite gi vum Julie an eisem Atelier hiergestallt.

06/03/2018

Mir bauen ëm fir Iech

Säit Gëschter sinn d’Aarbechte voll am gaangen.
Dëst, fir Iech an Zukunft méi ee grousse Repertoire un Produiten z’erméiglechen.

05/03 – D’Trennwand ass eraus an eisen “Tunnel” ofgebaut
06/03 – Déi éischt Elementer fir de Plafong ginn opgestallt

nach oben
Descargar musica